Je la nomo de Alaho, la Donema, la Pardonema.
| 1. Estu benata Tiu, en kies mano estas la suvereneco. Li havas povon super ĉiuj aferoj. |  |
| 2. Tiu, kiu kreis la morton kaj la vivon por elprovi vin, por eksciigi kiu el vi estas la plej bona ĉe la faroj. Li estas la Ĉiopova, la Senkulpigema. |  |
| 3. Tiu, kiu kreis sep ĉielojn en akordo. Vi ne povas vidi en la kreo de la Donema iun ajn mankon. Turnu do ĉien ajn vian rigardon: ĉu vi vidas iun ajn mankon? |  |
| 4. Poste turnu vian rigardon ankoraŭ dufoje. Via rigardo nur revenos al vi, lacigita kaj konfuzita. |  |
| 5. Vere Ni ornamis la plej malsupran ĉielon per lampoj kaj faris el ili ilon por la forpelo de la Satanoj, kaj Ni pretigis por ili la punon de la flamoj. |  |
| 6. Por tiuj, kiuj ne, kredas je sia Sinjoro, estos la puno de l' Infero. Malbonega estas la destino! |  |
| 7. Kiam ili estos ĵetitaj en ĝin, ili aŭdos ĝin muĝi, dum ĝi bolas. |  |
| 8. ni preskaŭ eksplodos pro kolero. Kiam aro da ili estas ĵetita en ĝin, iliaj gardantoj demandas ilin: "Ĉu neniu admonanto venis al vi?". |  |
| 9. Ili respondas: "Jes! Vere venis al ni admonanto, sed ni kulpigis lin pri mensogo kaj diris: Alaho neniam sendis vin; vi estas nur en granda eraro". |  |
| 10. Kaj ili diros: "Se nur ni estus aŭskultintaj aŭ komprenintaj, ni ne estus inter la loĝantoj de la flamoj". |  |
| 11. Ili konfesos siajn pekojn; malproksime de la graco estas la loĝantoj de la flamoj! |  |
| 12. Vere por tiuj, kiuj sekrete timas sian Sinjoron, estos pardono kaj granda rekompenco. |  |
| 13. Ĉu vi kaŝas vian vorton, ĉu vi eldiras ĝin malkaŝe, vere Li konas la internon de la brustoj. |  |
| 14. Ĉu vi do ne konas Tiun, kiu kreis? Li estas la Scianto de la Kaŝitaĵoj, la ĉiokona. |  |
| 15. Estas Li Tiu, kiu igis la teron servi vin, do iru sur ĝiaj vojoj kaj manĝu el Liaj provizaĵoj; al Li estos la releviĝo. |  |
| 16. Ĉu vi estas sekuraj pri Tiu, kiu estas en la Ĉielo, ke Li ne igos la teron engluti vin, kiam ĝi komencos tremi? |  |
| 17. Ĉu vi estas sekuraj pri Tiu, kiu estas en la ĉielo, ke Li ne sendos kontraŭ vin ventegon? Tiam vi ekscios, kia estis Mia admono! |  |
| 18. Jam neis tiuj, kiuj estis antaŭ ili; kia estis tiam la sekvo! |  |
| 19. Ĉu ili ne vidis la birdojn super ŝi mem, kiel ili streĉas kaj faldas siajn flugilojn? Nur la Donema subtenas ilin. Vere Li vidas ĉiujn aĵojn. |  |
| 20. Aŭ kiu estas tiu, kiu povas esti kvazaŭ tuta armeo por vi, kiu povas helpi vin, krom la Donema? La miskredantoj estas nur en eraro. |  |
| 21. Aŭ kiu estas tiu, kiu provizas vin, se Li reprenas Sian provizaĵon? Ne! Ili tamen obstinas en sia kontraŭstaremo kaj malobeemo. |  |
| 22. Kiel? Ĉu estas tiu, kiu trenas sin sur sia vizaĝo, pli bone gvidata ol tiu, kiu iras rekte sur la rekta vojo? |  |
| 23. Diru: "Estas Li Tiu, kiu estigis vin kaj donis al vi aŭdadon kaj vidadon kaj koron. Malmultaj tamen estas dankemaj!" 25. Diru: "Estas Li Tiu, kiu multigas vin sur la tero kaj al Li vi estos kunvenigitaj". |  |
| 24. Ili diras: "Kiam plenumiĝos tiu ĉi promeso, se vi estas sinceraj?". |  |
| 25. Diru: "Vere la scio pri tio estas nur ĉe Alaho. Mi vere. estas nur klariga admonanto". |  |
| 26. Kiam ili tamen vidos ĝin alproksimiĝi, tiam la vizaĝoj de la miskredantoj kuntiriĝos kaj estos dirite: "Estas tio, kion vi kutimis postuli". |  |
| 27. Diru: "Kion vi opinias? Se Alaho neniigus min kaj tiujn, kiuj estas kun mi, aŭ se Li kompatus al ni, kiu tiam defendos la miskredantojn kontraŭ la dolora puno?". |  |
| 28. Diru: "Li estas la Donema; je Li ni kredas kaj je Li ni konfidas. Baldaŭ vi ekscios, kiu estas tiu, kiu troviĝas en evidenta eraro". |  |
| 29. Diru: "Kion vi opinias? Se via akvo sekiĝus, kiu tiam havigus al vi fluantan akvon?". |  |